تيجى نرجع زى الأول

اية رايقو نرجع زى ما كنا الاول

لا ماتفهمنيش غلط مش يعنى نرجع مبارك و حبيب العدلى والناس الربنا يسامحهم دول

لا خالص مش دة قصدى

انا قصدى نرجع زى الاول شعب مسالم مالوش فى السياسة 

شعب كان حاتط كل همة و تعبة و تركيزة أنة يدور على لقمة عيشة على رزق بالحلال كان او باى طريقة تانية 

شعب مالوش دعوة باى حاجة تحصل فوق يعنى فى الحكومة ولا فالحزب الحاكم او فى مجلس الشعب او اى حاجة تانية من الحاجات دى

ماحنا بقالنا تقريبا ٤٠ او ٥٠ سنة عايشين كدة و كنا مرتاحيين و مريحيين دماغنا من الكلام دة حتى الانتخابات و الاستفتاءت كانو ربنا يخليهم شايلين همهم من علينا و مشاءاللة الناس البتحكم دلوقتى شكلهم بردو حيريحونا و يكملو هما على نفس الطريق

فاكريين لما كان اقصى أملنا نوصل كاس العالم،لما كان اخر العصبية و التفرقة و المشاكل تكون وقت ماتش الأهلى و الزمالك و بس

فاكريين لما كنا بنقفش على بعض شوية  عشان انا بشجع فريق و انت بتشجع فريق و بعدين نشتم فيهم هما الاتنين و نرجع نكمل ضحك 

فاكريين لما كنا بنقعد نتفرج على التليفزيون على افلام و مسلسلات و ماتشات و خلاص

فاكريين لما ماحدش كان بيموت غير فى الحوادث و الحرائق و الحاجات الطبيعية دى

فاكرين لما كنا بنتفرج على البيحصل فى البلاد التانية و نسال هما الناس دى بيعملو فى بعض كدة لية .....و ندعيلهم و ونقول يا حراام الحمداللة إحنا بعيد عن الكلام دة

فاكريين لما كنا نوعا ما مبسوطيين متفاءليين بنضحك فى وش بعض ساعات

اية رايكو مش كنا حيكون أرييح و اللذ 

هااا اية رايكو بقى نرجع زى الاول

ايية بتقول ايية ....هو دة الهما عايزينة ...

طيب اية المشكلة ما نعملهم الهما عايزينة يمكن يسيبونا فى حالنا نعيش و هما يحكمو يا سيدى ايية المشكلة يعنى 

يعنى هو قبل الثورة كان نفسك تكون رئيس جمهورية يا فالح ماتسبهم و خالينا عايشين فى حالنا شوية نشتغل و نكسب و نتفسح شوية وخلاص

نعم ....بتقول اية تانى ....اية مش حاسيبونا نشتغل براحتنا و لا ونتفسح براحتنا

و كمان مش حانعرف نعيش اصلا عشان البلد حتفلس 

لا يا عم ماتقولش كدة حرام عليك بلاش تكون قاسي اوى كدة  دة حسنى مبارك الديكتاتور هو و عصاباتة الحرامية كانو سايبين الناس تعيش و تأكل عيش بس  دى ناس عارفة ربنا كويس و بتصوم و تصلى الفرض بفرضة  أكيد ربنا حيكرمهم و يعرفو يدورو البلد

لا بردة مش موافق

طيب بس يا سيدى عشان مانزعلش من بعض 

حرابهم انت و لو حسيت انك حتكسب حاجى اشجعك

اتفاوض انت بس لو جم سالونى تختار مين حختار الناس بتوع ربنا أكيد مش انت

اتظاهر انت و لو عرفت تاخد منهم حاجة يبقى حلال علينا

موووووت انت و اوعدك حاعملك جنازة ماحصلتش و احتمال كمان أدى لاهلك تعويض

هاا اية رايك اتفقنا ......