المشهد الاول الاحنا كلنا حنحس بية قريب أكيد ان جميع قوى الاسلام السياسية حتبدا تهدى اللعب مع قوى المعارضة و تحاول تجر ناعم معاهم لكذا سبب،مبدئيا مش عايزينهم يقاطعو الانتخابات البرلمانية مش عشان مصلحة البلد ولا حاجة بس عشان المنظر العام فى الخارج مايبقاش وحش اوى يعنى كفاية البلاوى بتاعت الاستفتاء و كمان هما محتاجيين يبانو متسامحين و بيحاولو يتكلمو معاهم عشان الوضع المنيل بستين نيلة بتاع الاقتصاد ماهو ماينفعش يغرقو البلد اقتصاديا و كمان المعارضة تبقى بتحاربهم كدة حيبقى اووفر
المشهد التانى المسخرة البتحصل بتاعت ابن الأمريكانية حازم زفت،الاخ حازم لقى نفسة طلع برة دائرة الضؤ الكان فيها من كام شهر فا رضى يلعب الدور الاترسملة كويس فى إسقاط وزير الداخلية او الوزارة كلها كمان لو ممكن كل البلطجة و قلت الادب و السفالة البيعملها دى عشان الهيبة بتاعت الداخلية تروح و الفوضى تنتشر و يبقى الوزير فاشل و الوزارة مالهاش لزمة و السقوط دة حيبقى عقاب للوزير عشان ماعرفش يحمى مقرات الجماعة و الحزب من الحصلهم و كمان ماكنش بيتعامل بالحزم اللازم مع المتظاهريين فى الاتحادية و التحرير و المحافظات
المشهد التالت المعارضة لو فضلو على غبائهم و تصميمهم على عدم الخروج من الدائرة بتاعتهم عمرهم ماحيوصلو لحاجة بل بالعكس حيخسرو شوية الناس الكسبوهم الفترة الفاتت و خصوصا ان واضح جداً انهم مش متحديين اوى مع بعض و
الدليل مبادرة عمرو موسي المحترمة القدمها باسمة مش باسم الجبهة واللة الراجل دة خسارة فيكو ربنا يسامحكو ...... ا
لمشهد الرابع حزب الوسط الراقص ودة نتاج طبيعى لتزاوج عملاء امن الدولة السابقيين مع القوى الاسلامية حاجة تزعل
واللة ناس مستفزة ولا ليهم ولا ريحة ولا لون و اتضربو على قفاهم للمرة ال١٠٠ تقريبا بعض ما استخدموهم فى الدستور زى ماهما عايزين
المشهد الخامس ماينفعش رئيس ضعيف مهلل بيبل صوابعة يجيب رئيس وزراء قوى بالعقل بس يعنى حيجيب ريئس وزراء قوى تقوم الناس تحبة هو و الرئيس يقعد يشوى بطاطا يعنى فابلتبعية لازم يجيب وزارة خيبنة زايية و حتى اقل منة عشان كدة تحفنا بالكائن المسخوط الأسمة قنديل
المشهد السادس حاجة معصبانى من اول الثورة ما قامت هذا الكائن البيضوحباطى رئيس حزب الوفد سيد باشا البدوى الراجل دة من اهم ٣ او ٤ اسباب الاحنا وصلنالة دلوقتى حزب الوفد هو الحزب الوحيد فى مصر العندة تاريخ و مقرات فى كل حتة و نوعا ما عندة قعدة شعبية قديمة كان ممكن يشتغل عليها على طول يعنى سابق كل الناس الحولية لكن عشان سلبيتة و ضعفة و خوفة على البيزنس بتاعة المنتشر فى كل حتة مابيحبش يزعل حد ولا ياخد مواقف جادة حازمة تنفعة و تنفع البلد اللة يسامحة
طبعا ان كدة هاجمت كل الناس تقريبا فامحدش حيعجبة إلانا قلتة بس مش مهم لو ماخلصناش العك السياسى الحولنا دة قريب و بصينا للاقتصاد المنيل بتاعنا شوية مش حتفرق بقى مين بيحكم ولا مين مابيحكمش ولا فى دستور ولا مافيش لان المش حيلاقى يأكل يومين تلاتة ورأ بعض حيقوم ياكولنى انا و انت ووالجانبنا من غير ما يسألك بقى انت مسلم ولا مسيحى إخوان ولا اى حاجة ربنا يستر
