مصلحتك اولا
اييوة مصلحتك اولا،اية عييب؟لا مش عيب طبعاا اى حد فى الدنيا طبعاا بيتبع المقولة دى ماهو مش معقول الواحد حيبقى عارف مصلحتة فين و يعمل عكسها او حتى مايعملهااش دى مش انانية ولا حاجة واللة بس دى حاجة طبيعية،حتى لو بتعمل خدمة لحد أكيد حتفكر الاول الخدمة دى ممكن تضرنى ولا لا؟بزمتك مش صح
المهم، نيجى للبلد او ما تبقى من البلد الاحنا عايشين فيها و نحاول نطبق المقولة دى
مصلحتك اولا
نمسك مثلا حسنى مبارك الراجل عداة العيب و قزح خااالص بقالة حاجة بتاعت ٣٠ سنة مابيعملش حاجة غير لمصلحتة بيسرق و بيهبش و بيظبط الناس الحاوالية بردة عشان مصلحتة عشان يخافو علية و على الحكم بتاعة
كان طاحن الشعب اة بس على الاقل سايبة يعيش يعنى دايس علية برجلة اة بس بفردة واحدة بالتالى الشعب يادوبك بيتنفس اة بس عايش بيحمد ربنا ان الفرديتين مش على دماغة فكان عايش و ساكت لحد ما جت الثورة
نيجى للثورة او الانتفاضة او المؤامرة زى ما ناس بتحب تسميها
هو مين البداءها مش نشطاء سياسيين و شباب طاهر و كدة اهم دول بردة كانو من بتوع مصلحتك اولا
يعنى الناس نشطاء و سياسين و كدة واصلا مافيش ولا نشاط ولا سياسة فى البلد فازهقو خلاص طقو يعنى،بقالهم حاجة بتاعت ١٠ سنيين نشطاء على نفسهمو بيسيسو أمورهم بس مابيعملوش حاجة اصلا فكان لازم يغيرو الواقع لازم يلاقولهم لازمة فعملو ثورة هما و الشباب الكان خلاص الكبت حيقتلهم،كان لازم الشباب يطلع طاقتو فى حاجة العلم و الحييوية بتاعتهم كان لازم يستغلوها بردو عشان مصلحتهم
دة غير بقى العاطل و الفقير و المعدوم كل دوول كانو بيدورو على مصلحتهم و ماشيين وراها عشان كدة عملو الثورة،هو أكيد طبعا عشان مصر و الشعب و كل الحاجات الحلوة دى بردة بس لازم نفهم ان فى الالول مصلحتهم هى الدفعتهم فى الاول
نيجي بقى للبوب الكبير، لبشاوات المصلحة، للحزب الحاكم جماعة الاخوان المسلمين
طبعا مش محتاج اشرحلكو ان الناس دى اتبعت المقولة دى من اول يوم فى تاريخها
من ساعت النظام القديم و صفقاتهم معاهم لحد رفضهم للثورة فى الاول للجلسات الانعقدت مع عمر سليمان و النزول و الخروج من الميدان فى اوقات محسوبة
بس المش قادر أفهمة ولا أفسرة هما بطلو يعملو بالمقولة دى لييية !! ايوا بطلو........
ماهم وصلو للحكم، اختلفت او اتفقت على طريقة الوصول بس المهم انهم وصلو،خلاص بقى اعمل لمصلحتك يا عم مش كدة يعنى
ماهو أكيد مش من مصلحتك ان افراد الجيش تقتل و ماتحاولش تقدم الجانى للعدالة
كدة الافراد مش حيحبوك
ماتعييش المواطن العادى او الناخب بمعنى اصح فى عيشة زفت و هباب على طول ماينفعش، كدة حيزهق منك بسرعة
ماتعديش كل التيارات التانية يعنى ماينعش السلفيين يشتكو منك و الليبراليين يشتكو منك و العمال و الفلاحين و الدكاترة و عمال المترو و كلللل دول يشتكو منك ماهما كدة حيتفقو علييك زى ما عملو مع القبلك و مش حطول كدة يا عم
طبعا مفهوم المحاولة البتعملها الهى مسك العصاية من النص زى الحاوى،بس انت كدة مش بتمسكها كدة مش حاوى....انت كدة زى الارنب بتتنطط على العصاية فى كل جنب شوية لحد ماخلاص حتبقى حتخبط فى الارض تروح راجع متنطتط للناحية التانية
ماتعادييش الاعلام كللة و تقفل قنوات و تشيل رئاسات تحرير ،كدة مش حتلاقى حد يدافع عنك لما تقع
و أكيد اكييييد ماتقتلش العيال او على الاقل ماتسهلش قتل العيال و تحسسنا أنة عادى
ماتموتش الأمل، ماتموتش المستقبل، ماتموتش بكرة
عشان لو بكرة مات مش حيبقى لحد امل فى الحياة فاحيطلع يكلك انت و المعاك
سيب للمواطن الغلبان عيالة يشوف فيهم بكرة يشوف فيهم شوية امل فى المستقبل البعيد سيبلة حاجة يعيش عشانها و يبقى خايف على نفسة عشان يشوفها و هى بتكبر قدامة
فإلى جماعة الاخوان المسلمين و الحزب الحاكم
ابوس ايدكم ركزو شوية خافو على مصلحتكو شوية لو أنتو مش فارقة معاكو مستقبلكو انا فارق معايا الباقى من مصلحتى فى البلد دى
و شكرااا
اييوة مصلحتك اولا،اية عييب؟لا مش عيب طبعاا اى حد فى الدنيا طبعاا بيتبع المقولة دى ماهو مش معقول الواحد حيبقى عارف مصلحتة فين و يعمل عكسها او حتى مايعملهااش دى مش انانية ولا حاجة واللة بس دى حاجة طبيعية،حتى لو بتعمل خدمة لحد أكيد حتفكر الاول الخدمة دى ممكن تضرنى ولا لا؟بزمتك مش صح
المهم، نيجى للبلد او ما تبقى من البلد الاحنا عايشين فيها و نحاول نطبق المقولة دى
مصلحتك اولا
نمسك مثلا حسنى مبارك الراجل عداة العيب و قزح خااالص بقالة حاجة بتاعت ٣٠ سنة مابيعملش حاجة غير لمصلحتة بيسرق و بيهبش و بيظبط الناس الحاوالية بردة عشان مصلحتة عشان يخافو علية و على الحكم بتاعة
كان طاحن الشعب اة بس على الاقل سايبة يعيش يعنى دايس علية برجلة اة بس بفردة واحدة بالتالى الشعب يادوبك بيتنفس اة بس عايش بيحمد ربنا ان الفرديتين مش على دماغة فكان عايش و ساكت لحد ما جت الثورة
نيجى للثورة او الانتفاضة او المؤامرة زى ما ناس بتحب تسميها
هو مين البداءها مش نشطاء سياسيين و شباب طاهر و كدة اهم دول بردة كانو من بتوع مصلحتك اولا
يعنى الناس نشطاء و سياسين و كدة واصلا مافيش ولا نشاط ولا سياسة فى البلد فازهقو خلاص طقو يعنى،بقالهم حاجة بتاعت ١٠ سنيين نشطاء على نفسهمو بيسيسو أمورهم بس مابيعملوش حاجة اصلا فكان لازم يغيرو الواقع لازم يلاقولهم لازمة فعملو ثورة هما و الشباب الكان خلاص الكبت حيقتلهم،كان لازم الشباب يطلع طاقتو فى حاجة العلم و الحييوية بتاعتهم كان لازم يستغلوها بردو عشان مصلحتهم
دة غير بقى العاطل و الفقير و المعدوم كل دوول كانو بيدورو على مصلحتهم و ماشيين وراها عشان كدة عملو الثورة،هو أكيد طبعا عشان مصر و الشعب و كل الحاجات الحلوة دى بردة بس لازم نفهم ان فى الالول مصلحتهم هى الدفعتهم فى الاول
نيجي بقى للبوب الكبير، لبشاوات المصلحة، للحزب الحاكم جماعة الاخوان المسلمين
طبعا مش محتاج اشرحلكو ان الناس دى اتبعت المقولة دى من اول يوم فى تاريخها
من ساعت النظام القديم و صفقاتهم معاهم لحد رفضهم للثورة فى الاول للجلسات الانعقدت مع عمر سليمان و النزول و الخروج من الميدان فى اوقات محسوبة
بس المش قادر أفهمة ولا أفسرة هما بطلو يعملو بالمقولة دى لييية !! ايوا بطلو........
ماهم وصلو للحكم، اختلفت او اتفقت على طريقة الوصول بس المهم انهم وصلو،خلاص بقى اعمل لمصلحتك يا عم مش كدة يعنى
ماهو أكيد مش من مصلحتك ان افراد الجيش تقتل و ماتحاولش تقدم الجانى للعدالة
كدة الافراد مش حيحبوك
ماتعييش المواطن العادى او الناخب بمعنى اصح فى عيشة زفت و هباب على طول ماينفعش، كدة حيزهق منك بسرعة
ماتعديش كل التيارات التانية يعنى ماينعش السلفيين يشتكو منك و الليبراليين يشتكو منك و العمال و الفلاحين و الدكاترة و عمال المترو و كلللل دول يشتكو منك ماهما كدة حيتفقو علييك زى ما عملو مع القبلك و مش حطول كدة يا عم
طبعا مفهوم المحاولة البتعملها الهى مسك العصاية من النص زى الحاوى،بس انت كدة مش بتمسكها كدة مش حاوى....انت كدة زى الارنب بتتنطط على العصاية فى كل جنب شوية لحد ماخلاص حتبقى حتخبط فى الارض تروح راجع متنطتط للناحية التانية
ماتعادييش الاعلام كللة و تقفل قنوات و تشيل رئاسات تحرير ،كدة مش حتلاقى حد يدافع عنك لما تقع
و أكيد اكييييد ماتقتلش العيال او على الاقل ماتسهلش قتل العيال و تحسسنا أنة عادى
ماتموتش الأمل، ماتموتش المستقبل، ماتموتش بكرة
عشان لو بكرة مات مش حيبقى لحد امل فى الحياة فاحيطلع يكلك انت و المعاك
سيب للمواطن الغلبان عيالة يشوف فيهم بكرة يشوف فيهم شوية امل فى المستقبل البعيد سيبلة حاجة يعيش عشانها و يبقى خايف على نفسة عشان يشوفها و هى بتكبر قدامة
فإلى جماعة الاخوان المسلمين و الحزب الحاكم
ابوس ايدكم ركزو شوية خافو على مصلحتكو شوية لو أنتو مش فارقة معاكو مستقبلكو انا فارق معايا الباقى من مصلحتى فى البلد دى
و شكرااا
حلوة اوي يا رامي
ReplyDelete